Chipi tur dia ta sinta
riba un taki mira p’aden
ora k’e kansa di sinta
taki, taki e ta tuma den
1_187
Chipi tur santu dia
ta kanta e mes melodia
na un idioma stranyo
manera na taki-taki

Y ora k’e bula bay
un ratu serca su mamay
su donjo ansioso ta yam’e.
Chipi, t’aki, t’aki mi ta.
Chipi ta contesta.
2_185
“Chipi, su mama a bis’e
nos ta bula bai
pero abo ta keda kas
bo no ta bin nos tras”

“Ta bon mami trese
tur cos pa mi”
Chipi ta hanja pan ku suku
awe p’e bebe i banja.

3_185

Tin flornan bunita
i matanan berde i bunita muhá
Chipi ta den un paraïso
e ta kanta i fluit so

Chipi ta mira e pushi
blanku ku pretu pintá
i ta pensa, esta dushi
ku ami ta ki’riba sintá

Pero e pushi ta pensa:
“awe si b’a ko’i awa
nan a laga bo so na kas
lo bo no skapa hamas”

El a rék su rabu4_185
i pone poseshon
i a bira brabu
pa no tin ekibokashon

Chipi a pensa: miho koyón
ku dios-pordon
a habri su hala
bula bai den sala

Chipi tambe lo bira grandi
i lo ke konose mundu
lo e topa ku amigo
i ke forma un bibá
5_193
Nan dos lo traha neishi
aya lew den mondi
o den kurá
den e palí beishi

Ora ku e neishi ta bon trahá
haltu den palu di sumpinya
Chipi ta pone dos webu
masha bunita pintá

Despues di drumi poko dia
sin ni sali pa kome merdia
dos pichon ku kara seku
ta blo, sali foi kask’i webu
6_186
Awor Chipi a bira mama
e webunan a forma yu
ku nan kurpa tur sunu
ata Chipi ku problema

E’n por sali mas tur dia
pa e pik den un patia
pero Pipi ta bula bai
trese kos pa yunan ku mamai

Pipi tambe sa keda drumi
duna Chipi chens p’en kunsumi
dal un buelta bula ront
bandi suit bolbe pa nort
7_189
Algun dia a pasa
Pipi ku Chipi a kansa
Yunan ta basta grandi awor
i nan tambe por sali pafor

Nan tambe a sinya
con ta piki simiya
nan konose e pushi
i sa su triki sushi

Nan konose tur skina
den kura di Ina
nan ta drumi riba palu
sin ku nan ta bira malu

Poko dia despues Pipi i Chipi
a bula bai poko mas lew den kwihi
nan dos ta traha sin selustán

pa un otro neishi por keda tankatán

Cecilia Everts, eskritor Boneriano

Tags:

Comments

  • Be the first to comment, please use the form below.

Post A Comment





0.3731 // 49