Korupshon ta malu, pasobra e ta kontra e prinsipio di igualdat. Un akto korupto ta favoresé sierto hende riba otro hende. Lo kontrario tambe sa sosodé, esta ku sierto hende no ta haña loke nan tin derecho riba dje, pero otronan sí ta hañ’é. Tur dos ta inhustu. Tur dos ta perhudiká komunidat. Korupshon ta stroba desaroyo di nos islanan i al final ta resultá den miseria, i, den sierto kaso, asta den violensia.

Mester siña muchanan na skol ku korupshon ta malu i tambe di kon e ta malu. Ku ehèmpelnan konkreto. Pasobra si bo no ta komprondé di kon e ta malu, bo no tin motibu pa keda sin envolví bo mes den dje.Mester siña muchanan na skol ku korupshon ta malu i tambe di kon e ta malu. Ku ehèmpelnan konkreto. Pasobra si bo no ta komprondé di kon e ta malu, bo no tin motibu pa keda sin envolví bo mes den dje.

Un forma di korupshon ku ta hasi hopi daño na nos islanan ta ku gobièrnu sa duna hende trabou, mientras ku realmente no tin trabou pa nan. Anto esaki sa wòrdu hasí hopi biaha algun luna promé ku elekshon.

Gobièrnu no tin sèn pa paga e hendenan aki i algun luna promé ku elekshon e ta un forma di kumpramentu di voto. Pa e motibu aki nos a heredá un aparato gubernamental muchu grandi, asina grandi asta ku sektor privá realmente no por karga e peso mas di paga belasting pa tur e amtenarnan aki por risibí nan salario. Nos ta deseá tur hende un trabou, pero nan mester haña trabou den sektor privá, nò den gobièrnu. I sigur nò algun luna promé ku elekshon.

Tin un solushon pa esaki. Nombramentu di amtenar por wòrdu poné den man di un komishon konsistiendo di un miembro di kada partido polítiko [tantu esun(nan) na mando komo esun(nan) den oposishon]. Su presidente por ta un persona totalmente independiente e ora ei, p.e. un asina yamá ‘defensor públiko’ (ombudsman).

Pues solushon t’ei sí, pero nos mester kier un solushon. Anto einan t’e poblema.Tur nos partidonan polítiko ta preferá e tipo di korupshon aki riba hustisia. Anto pueblo te ainda nunka no a hala nan orea. Pues nos tin ku puntra nos mes seriamente kiko nos kier di bèrdat: Korupshon òf hustisia?

Comments

  • Be the first to comment, please use the form below.

Post A Comment





0.4087 // 49