Dia 30 di sèptèmber 2007 Fundashon Inernashonal a organisá un enkuentro soshal pa ofi shalmente presentá e fundashon na públiko Boneriano. Sr. Daboussi, presidente di e fundashon aki, a hiba e siguiente palabra. “Respetá, integrá i no-diskriminá; huntu nos por! Esaki ta e lema di Fundashon Internashona.

Dia 19 di yüni 2007 a lanta e fundashon aki, ku tin komo meta:

Promové e interesnan di migrantenan, tantu den sentido general komo den kasonan individual, den un komunidat Boneriano habrí. Esaki ta nifiká di un banda ku lo promové rèspèt bou di migrantenan pa i integrashon den komunidat i kultura Boneriano, i di otro banda rèspèt i un maneho no-diskriminatorio pa ku migrantenan. Esaki por enserá: a. Duna konseho i asesorio na migrante nan. b. Atendé asuntu- i kasonan pa migrantenan tantu den korte komo p’afó di korte.

Pa haña sosten di Fundashon Internashonal e migrante mester kumpli ku e siguiente eksigensianan:
E mester ta un siudadano ehemplar, e mester respetá kultura Boneriano i integrá den komunidat na un manera positivo.

Direktiva
Mi ke introdusí awe ofi sialmente na boso e miembronan di direktiva di fundashon internashonal.
Sr. Polo Mata, miembro di direktiva diario i tesorero, pa komunidat Dominikano;
Sr. Feliciano Piloto, miembro di direktiva diario y vise-presidente, pa komunidat Portugues;
Sr. Michiel Bijkerk, miembro di direktiva general i konsehero hurídiko;
Sr. Juan Mendoza. miembro di direktiva general pa komunidat Colombiano;
Sr. Armando Baltazar, miembro di direktiva general pa komunidat Peruano;
Sr. Wai Man Chan y Sr. Lo kei Yan miembronan di direktiva general pa
komunidat chines;
Sr. Abel Pierre, miembro di direktiva general pa komunidat Haitiano;
Sr. Moreno Bonelli, miembro di direktiva general pa komunidat Italiano; Na final mi persona, bosnan sirbidó, Hamoudy Dabboussi, miembro di direktiva diario y presidente.

Pronto lo haña miembronan nobo pa komunidatnan Venezolano, Surnameño i Hulandes Europeo.

Pregunta of reklamo
Tur migrante ku tin pregunta, reklamo òf keho por aserká e miembro di direktiva di su pais. I den kaso ku bo nashonalidat no tin miembro den nos fundashon, aserká e persona ku bo ta preferá. Mi ke hasi un súplika na tur migrantenan residensíá na Boneiru pa papia y no spanta! Si bo ta sinti ku bo a keda tratá na un manera inkorekto, aserká nos. Boneiru ta un isla demokrátiko y nos - huntu ku nos gobernantenan - lo sòru pa no tin represaya di parti di ningun amtenar.

DEZA
Ora un komersiante mester di un trahadó, e ta komuniká ku DEZA pa wak si tin hendenan lokal ku lógikamente tin priorodat i pa wak si nan por kumpli ku e eksigensianan stipulá pa e kompania. Si tin un hende lokal, e ta haña e trabou. Pero den kaso ku no tin, mester buska un hende di p’afó di nos isla.

Na promé lugá esaki ta na benefisio di e isla y su ekonomia na di dos lugá e ta na benefi sio di e empleado mes. Ya ku nos a busk’é pa nos benefi sio, laga nos trat’é ku e rèspèt ku e meresé.

Hulanda i Kòrsou
No ta tur loke ta bon pa Hulanda i Kòrsou mester ta bon pa Boneiru. Kiko mi kier men ku esaki?

Tin leinan ku ta ser apliká aki na Boneiru pa ku migrantenan ku no ta kuadra ku nos sistema i nos situashon. Un bon ehèmpel di esaki ta e echo ku aki na Boneiru, kompará ku Hulanda kaminda tin migrantenan di religion, kultura i idioma totalmente diferente, aki mayoria migrante su manera di biba no ta diferensiá mashá for di e Bonerianonan mes. Mirando ku mayoria di nos migrantenan ta di paisnan besendario Latino.

Un otro bon ehèmpel di esaki ta e echo ku na Kòrsou tin un problema hopi grandi ku migrantenan ilegal. Aki na Boneiru e problema ei práktikamente no ta eksistí.

Pues ta bon pa revisá i adaptá e leinan aki partikularmente mirando ku aki un aña Boneiru ta bai tin un struktura estatal nobo, kaminda Boneiru ta bai forma parti integral di Hulanda.

Prioridatnan
Tin algun punto di atenshon ku mi ta kere nos gobernantenan por hasi algu mas pronto posibel pa trese kambionan positivo pa e migrantenan residensiá na Boneiru i esunnan ku ta bin residensiá na Boneiru:

  1. Tur dokumentu ku Imigrashon tin aktualmente mester ser tradusí na
    por lo ménos Papiamentu, si nos no ke papia di Ingles i Spañó.
  2. E entrada salarial mínimo di Naf. 3000,- pa buska kasá i un suma adishonal pa buska yunan di e migrante ta demasiado haltu. Mester re-kalkulá e suma aki.
  3. Despues di 3 aña e imigrante ku a bini Boneiru pa traha mester bai bèk su pais, i e komersiante mester buska otro hende. Esaki ta stroba kontinuidat di trabou.
  4. E depósito pa entre otro Libanesnan i Chinesnan ta Naf. 5500,-, mientras ku un ticket ida i buèlta pa un di e destinashonnan aki no ta ni mitar di e suma aki.

Nos ta supliká nos gobernantenan pa yuda trese kambio den e puntonan aki. E petishon aki ta pa tantu gobernantenan di gobièrnu insular komo nos representantenan den Parlamentu Antiano.

Parlamentu Antiano
Direktiva di Fundashon Internashonal ta dispuesto di asta bai Parlamentu Antiano, ku te ainda ta e órgano mas haltu den gobernashon Antiano, pa duna un splikashon di e puntonan ariba menshoná i splika e urgensia ku tin pa trese un kambio a korto plaso, mirando e desaroyonan ekonómiko ku ta tumando lugá i ku lo sigui tuma lugá ku Dios su poder.

Durante e luna ku a pasa, nos a reuní ku Gezaghebber, Diputado Anthony Nicolaas, sr. George Mensché, hefe di bevolking i Sr. Jopi Abraham y tur su miembronan di Konseho Insular. Pronto nos lo bai reuní ku sr. Ramonsito Booi asina ku e ta bin back for di Merka.

Mi ta hopi kontentu di bisa ku mi a sinti ku tur hende tabata konsiente ku tin sierto kosnan ku no ta baiendo den bon direkshon. vooral na Imigrashon i Bevolking. Ya kaba nos a mira sierto kambionan na Bevolking segun Sr. Mensché a splika nos durante último reunion. E ta hopi di apresiá y nos ta spera ku kambionan lo sigui pa mehorá e sitaushon.

Mi kier a gradisí tur hende ku a yuda organisé e aktividat aki. En espesial
Sra. Lucia Beck.

Tin un dicho Chines ta bisa:
Adelanto i frakaso di un nashon ta den man di kada siudadano.

Ban traha nos tur pa adelanto di Bonairu. Na fi nal mi tin un konseho pa tur migrantenan ku ta biba na Bonairu. Ya ku Boneiru a habri su porta pa bo,
habri bo kurason p’é.

Dios bendeshoná Boneiru y pasa un bon atardi.

Tags:

Comments

  • Be the first to comment, please use the form below.

Post A Comment





0.5344 // 49