Tin un par di biaha kaba ku sierto polítikonan na Kòrsou a bin ta hasi chèrchè di otro polítikonan i komersiantenan ku ta papia di e influensia di mundu Oriental riba preis di komestibel i materia prima.

E tópiko di Asia i China en partikular, a bin haña mas i mas atenshon di prensa komun internashonal for di un 3 aña pasá. Den sírkulonan ekonómiko internashonal e fenómeno aki a bin haña èkstra atenshon despues ku “Goldman Sachs”, un banko di invershon, a saka un rapòrt (http://en.wikipedia.org/wiki/BRIC) na 2003 splikando kon podernan ekonómiko i diferente kòntròl riba materia prima lo move for di e paisnan ku awor tin dominio pa entre otro e paisnan Brazil, Rusia, India i China (den sírkulonan di ekonomia nan a bin ta yama e bloke medio “fiktisio” aki “paisnan BRIC”).

Periodonan históriko

Mayoria di nos ku a nase entre añanan ’50 pa ’75 a bin haña lès den historia kaminda a bin ta identifiká na un manera gròf 4 periodo den histroia: Oriente, dominio di Gresia, dominio di Roma, tempu Medieval, historia Moderno i basta historia kontemporáneo ku hopi énfasis riba Merka ku Europa.
 
Dependé e pashon di maestro ku bo tabata haña lès di dje e por a fasiná bo ku entre otro:
- e intríganan di e poderosonan na mundu,
- di unda nos norma i balornan a sali,
- e labirintonan di diferente gueranan etc. etc.

Asia su ròl históriko

Den e siglo ku a pasa, na mundu oksidental muchu tiki lus a ser tirá riba Asia su ròl den historia di e ser humano en general, i speshalmente Asia Pasífiko, ku apenas tabata figurá den bukinan di skol sekun-dario. I e tiki ei tabata na HAVO ku
VWO so.

Esaki a bin resultá den ignoransia i asta tin biaha den despresio pa Legano Oriente (ku na spañó nan ta yama “el Levante Extremo”). Aki den Oksidente nos tabata tin piská di fasinashon, entre otro via pelíkulanan Kunfu ku tabata “in” den añanan 60-70 i religionnan ku a bin na moda temporada di Hippie (http://en.wikipedia.org/wiki/Hippie ), ku entre otro Beatles i Carlos Santana ku tabata pisá den Budismo i Yoga.
 
Esaki tabata kurioso, pasobra e sub-kontinente aki tabata hospedá ya míles
di aña, entre mitar pa dos tèrsio di poblashon mundial i te ku 1600, mitar
di produkshon mundial.

Un eminensia manera Karl Marx a “lubidá” kompletamente riba Asia den su deskripshon di su períodonan históriko.
Max Weber sí a inisiá un siklo largu di interpretashonnan riba e inkompatibilidat di religionnan i filosofianan di bida asiátiko i kresementu ekonómiko segun konseptonan Europeo i Merikano.

Gunnar Myrdal (http://en.wikipedia.org/wiki/Gunnar_Myrdal), ganadó di premio Nobel di Ekonomia, a publiká, den fin di dékada di 60 di siglo pasá, un obra di gran volúmen riba e drama, pobresa i e difikultat di Asia pa krese, bo por bisa nèt na e momentu ku e “milager ekonómiko” tabata pa kuminsá.
Aworakí na kambio di milenio tur kos a bòltu, i Oksidente su tono a kambia i tur hende, den koro, ta papia di e kresementu di  Asia.
Asia Tiger
Nos (di oksidente) lo ekiboká nos atrobe?

Entre e míles di dokumento riba e fenó-meno di Asia, mayoria ta optimista. E optimistanan kasi semper ta ekonomista.

Den nan, un di esnan mas ekstremo ta Robert Fogel (http://en.wikipedia.org/wiki/Gunnar_Myrdal), ku tambe a gana premio Nobel. E a proyektá ekonomia mundial te ku 2040, i ta konkluí ku pa e tempu ei China su Produkto Brutu Nashonal Interno (PBI) lo ta alrededor di 123 trilion di dòler, tres bes e PBI mundial di aña 2000!!!
 
E montante ei lo bin ta representá 40% di total mundial i, uní ku e PBI di India (12%) i e PBI di Asia sur-este (15%), lo duna Asia Pasífiko un 67% di e PBI mundial, ku lo ta kasi tres bes e PBI aktual.
 
Segun Fogel e merkado Chines na 2040 lo ta mas grandi ku esun di Merka, Europa, India i Hapon huntu! China su PBI pa habitante lo alkansá un US$ di 85.000, duplikando asina esun di Europa, i solamente 20% ménos ku esun di Merka. Den e senario di Fogel Hapon lo no partisipá den e fiesta ekonómiko aki, su partisipashon den e PBI mundial lo kai di 8% pa 2%!!!

Sifranan eskalofriante.

Fuera di e oumentu di produktividat, kombiná ku salarionan abou, tin 2 otro kos klave ku mester tene kuenta ora ta papia di China su kresementu.
For di e promé punto nos na Kòrsou sigur por siña algu afó:

Nan ta invertiendo fuertemente den edukashon di tal manera, ku den un generashon (30 aña) nan lo sòru ku tur hende ta kaba skol sekundario i di esakinan 50% lo haña un grado universitario.
E otro punto ta loke Fogel a bin ripará ku China a bin ta limitá e poder di gobièrnu (ku antes tabata total), promové empresa, i progresivamente a bin ta limitá entrada di Estado for di su empresanan.

Optimismo di Fogel ta asina sobresaltá(!) ku e ta kere ku paisnan di Asia, huntu ku otro paisnan emergente, lo por remplasá gradualmente e mundu Oksidente
(ku ta esun ku nos ta forma parti di dje!) komo promotornan mundial di
demokrasia i libertat.

Angus Maddison

Otro sientífiko, pero mas moderá, ta Angus Maddison, un persona ku a dediká si bida kalkulando ekonomia di último 2000 aña! Su obra mas resien ta “Contours of the World Economy 1-2030 AD” publiká aña pasá. E tambe, ku un mira muchu mas largu, ta pronostiká kresementu haltu pa Asia, ounke mas moderá ku Fogel. E, i tin mas ekonomista ta mira India krese más ku China!
 
Maddison ta pronostiká ku Asia Pasífiko lo akapará “solamente” 47,3% di PBI mundial (pero lo yega un 60% en 2040, si bo ekstendé su proyekshonnan).

Meskos ku Fogel, Maddison tambe ta “touch” algun di e faktornan ku por limitá e kresementu di Asia i di mundu en general. Nan tur dos tin atenshon speshal pa kosnan ambiental. Nan ta rekomendá pa redusí konsumo di kombustibel for di petroli ku karbon (un rekomendashon ku ta konta pa nos tambe!). Nan ta rekomendá pa lanta un outoridat mundial pa obligá nashonnan pa kumpli ku esaki. Pero nan no ta kere ku “kalentamentu global” lo redusí nan proyekshonnan di kresementu.

Outornan pesimista

Pa balansá e artíkulo no por keda sin menshoná outornan pesimista. Den nan ta
sobresalí Niall Ferguson, un historiadó hóben i produktivo. Un di su bukinan mas resien ta The War of the World (2006), kaminda e ta analisá e desenso di Oksidente den siglo 20.

Tambe ela publiká un artíkulo den 2005 ku ta pone bo pensa ku ta Sinking Globalization (http://www.globalpolicy.org/globaliz/econ/2005/03sinking.htm).

Eiden e ta mustra paralelonan polítiko i ekonómiko preokupante entre aktualidat i loke den historia nan ta yama ‘belle époque’ (http://en.wikipedia.org/wiki/Belle_%C3%89poque), ku a bin kulminá den Promé Guera Mun-dial i despues e krísis tremendo di 1929.
 
Su análisis no ta sentralisá rondó di Asia, pero si su analogia ser realisá, regreso di Asia lo sufri un retraso konsiderabel. Si ta asina mes, di tur manera, tur histo-riadó ta eens ora bo bisa ku ta solamente entre siglonan 13 pa 14 i siglo XX di nos era, ku Asia no tabata sentro di mundu.
 
Prekupashon

Loke tin hendenan manera Ferguson preokupá ta:
un ekonomia mundial kaminda ta laga
e forsanan demasiado pa nan kuenta;
ta konfia demasiado ku e forsanan semper lo benefisiá mayoria;
un sistema monetario frágil i,
na e otro un banda e mesun erornan di pasado riba tereno di polítika internashonal, kaminda e imperio dominante ta “stretch” forsosamente su poder, kombiná ku rivalidat entre e potensianan mundial;
un sistema instabil di aliansanan;
paisnan ku ta finansiá terorismo kom-
biná ku un kresementu di organi-sashonnan terorista hostil pa ku kapitalismo.
 
Loke a bin ta hasi e situashon pió último tempu ta e debe grandi ku Merka tin na sobrá di mundu kombiná ku un dòler suak, ku segun Ferguson, ta hasi doló serka e paisnan asiátiko tantu den plaka ku nan tin di spar komo den nan eksportashonnan ku mayoria, te ainda, ta ser pagá den dòler Merikano!.

Ken lo tin rason?

Speransa ta ku optimismo moderá lo
gana. Pa loke ta Ferguson, tin speransa ku polítika ekonómiko a siña basta pa por a evitá un megacrisis internashonal, ounke mester bisa ku e turbulensianan grave ku a inisiá den 2007 a mustra ku e fayonan SERIO den gobernashon polítiko i eko-nómiko riba nivel mundial den pasado a bin ta dominá desishonnan ku a ser tumá último 6 luna.
 
Medio-mbniente i energia

Pa sera e artíkulo no por keda sin men-shoná riesgonan geopolítiko ku tin “links” ku asuntunan ambiental i di energia. E interrelashonnan aki ta bin ta manifestá nan mes den konfliktonan di lealtat entre potensianan mundial (entre otro den yanüari di 2008 mes nos a mira kon Rusia i Union Europeo ta kompetí pa pasa pipanan di gas i petroli den Asia Menor).

Pa loke ta ekonomia riba skala mundial, ta keda duru pa kere ku China ku su 1.3 mil mion habitante i un klase media ku ta kresiendo rápido (http://www.chinadaily.com.cn/english/doc/2004-10/27/content_386060.htm) por multipliká, ku 40 bes, su Produkto Brutu Interno sin trompeká riba limitashon-nan ambiental severo den su mes pais i sierto protesta di mundu en general.

Si solamente 50% di Fogel su pro-yekshonnan ser realisá, regreso di Asia komo imperio mundial lo ta un echo pa nos i e generashon ku mester nase ainda.
 
Den e kambionan enorme ku tin na kaminda tin oportunidatnan nobo pa e “outpost” di Reino Hulandes den Karibe ku yama Kòrsou. Aruba nos ruman den Reino ya a sera sierto akuerdo ku China pa ta “hub” di diferente produkto ku nan ta eksportá.

Tags:

Comments

  • Be the first to comment, please use the form below.

Post A Comment

0.7911 // 51