Tur hende ta bisa ku e kandidato presidensial Dennis Kucinich no tin chèns pa gana elekshon presidensial otro aña. Sin embargo, ARCO ta sosten’é, pa motibu ku e ta e úniko kandidato ku lo trese un kambio positivo den polítika mundial.

Di kon wòri ku elekshon na Merka?
Ounke na Antia nos no por vota pa elegí un presidente na Merka, tòg nos ta di opinion ku ta importante pa dediká tempu na e elekshon aki i asta pa sostené un di e kandidatonan aktivamente. Pasobra awendia e presidente Merikano ta infl uenshá polítika Antiano direktamente. Asta nos por bisa ku demokrasia no ta real mas, si solamente Merikano por vota pa nan presidente.

Un ehèmpel. Nos amigu Hugo Chanvez a disidí di hinka su pais den un soshalismo a la Cuba. Merka su reakshon pa ku esaki lo tin efekto direkto pa nos na Antia. Tòg
nos no a haña chèns pa vota pa e presidente Merikano ku ta bai tuma e tipo di desishonnan klave aki. Esei realmente ta antidemokrátiko! Mundu ta na rant di kambia drástikamente. Nos tur mester hasi loke ta na nos alkanse pa perkurá ku e kambionan aki lo bai den bon direkshon. Nos por papia ku Merikanonan bibá na Antia, splika nan ku Kucinich t’esun mas mihó i di kon e ta esun mas mihó pa Antia tambe. Merikano bibá na Antia tin derecho di voto na Merka (nan ta ‘absentee voters’).

Kucinich ta kere den pas realmente. For di komienso e tabata kontra e guera na Irak. For di basta aña kaba el a boga pa gobièrnu di Merka instalá un Departamentu di Pas ofi shal pa propagá pas rònt mundu. Kucinich ta e úniko kandidato presidensial ku a entregá un proposishon di lei pa duna tur Merikano kuido médiko. Na Merka tin +/- 45 miyon di hende ku no tin nan kuido médiko sigurá.

 

 

Comments

  • Be the first to comment, please use the form below.

Post A Comment





0.8755 // 49