Independensha òf integrashon

Tin tres motibu di kon e ‘slotverklaring’ pa Kòrsou a keda rechasá dor di Konseho Insular di Kòrsou. Parlamentu di Antia (esta: ‘Staten’), sí a aprob’é pa loke ta trata e islanan di St. Maarten, Boneiru, Saba ku Statia.

Tres motibu
E motinunan ta:
1) Hende ku a siña kustumbernan ménos bon no ta akseptá fásil ku nan manera di biba tin ku kambia pa nan mes bon. Kòrsou a siña e kustumber di gasta sin reserva ounke no tin sufisiente entrada pa kòver e gastunan. E slotverklaring tin komo konsekuensia ku esei lo no bai asina fásil mas den futuro. Kòrsou ta spanta, pasobra e tin ku kambia di kustumber. It scares them shitless.

2) Korupshon ta e siguiente motibu. Un di e korupshonnan preferí ta pa duna kompanianan trabou di gobièrnu bou di e kondishon no-ekspresá ku parti di e aanneemsom tin ku haña su kaminda den kaha di partido òf asta den saku di sierto gobernantenan. Tur kos cash, naturalmente. Ku e sèn aki ta kumpra voto di hende durante kampaña. Esaki a bira otro kustum-ber ménos bon na Antia. Hulanda kier stòp esaki ku kòntròl severo. Kòrsou a spanta. Again, it scares them shitless.

3) Desgusto di e ‘makamba’ (pa no bisa odio). Herman Wiels, por ehèmpel, ta hasiendo su máksimo esfuerso diariamente pa kòrda tur hende ku bo mester sigui odia makambanan, kendenan - segun Wiels - ta inkonfiabel i hopi otro kos malu. Naturalmente, sklabitut i kolonialismo ta wòrdu tirá den e reseta aki, manera sous ku siboyo riba aros bruá. E hamber pa eksplotá e krimen di sklabitut pa mo tibunan polítiko no a ser plakiá ainda.

Kiko ta real?

Segun nos, niun di e motibunan aki ta real. Korupshon i mal kustumber no ta motibunan sano pa stanka progreso. Hulanda ta hasi mashá bon pa guia Kòrsou den direkshon di un bida ku ménos mal kustumber i di polítika mas sinsero i mas pa pueblo. Desgusto di Hulandesnan tampoko no ta motibu pa stanka desaroyo di bo isla. Rònt mundu enemigunan di antes a siña traha ku otro. Rekonsiliashon ta un birtut. Odio ta kontagioso i ta bira bèk pa bo mes. Asina ta ku Kòrsou a kuminsá odia no solamente makambanan, pero tambe e Sandom, e Portugues, e Arabir, Kuli i otro stranhero. Hulanda ta dispuesto pa paga hopi plaka pa yuda Kòrsou desaroyá i duna e pueblo un perspektiva nobo i mas amplio. Hulanda a ofresé pa hasi su máksimo esfuerso pa inkorporá Kòrsou den Union Europeo, algu ku mashá hopi pais ta anhelá. Durante último 50 aña Hulanda a yuda Antia generosamente ku sèn i asistensia tékniko. Ta yega un dia ku Hulanda a kaba di paga sufisiente daño i perhuisio pa e krimen di sklabitut. E dia ei a yega.

Referendum nobo
Hulanda no debe Antia nada mas. For di awor nos por traha huntu komo igualnan a base di boluntat liber pa bienestar di tur dos. Òf nos ta keda sin traha huntu, pero e ora ei Kòrsou mester akseptá konsekuensia di su eskoho. Pueblo di Kòrsou tin ku puntra su mes kiko e kier, independensha òf integrashon. E modelo di asosashon ku nos tin aworaki no ta bon mas ni pa Kòrsou, ni pa Hulanda. Ademas, e ta e opstákulo klave pa optené derecho igual. Solamente integrashon lo duna yu di Kòrsounan derecho soshal i ekonómiko igual ku Hulanda. Un referendum na Kòrsou riba e slotverk-laring no tin sentido pa motibu ku e ta un akuerdo kompliká ku mayoria di pueblo no por komprondé.

Hulandes Karibeño
E pregunta klave di e referendum ta: Independensha òf Integrashon. Kiko bo kier ta, Yu di Kòrsou òf Hulandes Karibeño? Si bo kier ta Yu di Kòrsou, e ora ei bo tin ku vota pa independensha. Si bo kier ta Hulandes Karibeño, e ora ei bo ta vota pa integrashon. Ta posibel pa tene un referendum asina awor, pa motibu ku e otro pregunta konstitushonal ya ta disidí kaba, es desir e islanan di Antia ya a skohe pa sali for di otro. E laso ku Hulanda, sin embargo, no ta kla ainda. Ban trese klaridat awor. Si pueblo ta vota pro integrashon, e ora ei e slotverklaring no ta problema mas. Úniko kos ku mester kambia e ora ei ta pa inkluí un klousula pa stipulá ku tur Hulandes Karibeño bibá na Kòrsou lo haña derecho igual ku Hulanda.