KOBARDIA DI UPB & HIPOKRISIA DI PDB

Konturanan general di e deal ku Hulanda a keda finalisá durante e último ‘BES-week’ na Novèmber 2008, fi rmá dia 20 di Novèmber.

Esensia di e plan básiko aki ta un sistema di ‘apartheid na distansha’. A pesar di e Moshon adoptá dia 14 di Nov. 2008 den Konseho Insular ku 5 voto pro (UPB)
i 3 voto kòntra (PDB), pidiendo igualisashon di derecho soshal i ekonómiko entre siudadano di BES i Hulanda, nos representantenan a kapitulá bou di preshon
di Hulanda sin niun resistensia serio durante negosashon na fin di Novèmber.

A pesar di hopi biramentu di UPB, e kapitulashon aki tabata un akto di kobardia puro. PDB - ku dia 14 di Nov. a vota kòntra e ‘Moshon di igualisashon’! - mesora a grita ‘apartheid!’. Nan tin razón, pero di boka di PDB (ku a vota kòntra igualisashon), e gritu aki ta prueba di hipokrisia sin límite.