Un sosiedat ta basá riba un pakto di konvivensia, ku ta fundá riba lei i rèspèt. Pero ta parse ku nos ta kibrando esaki frekuentemente. E vínkulo estrecho entre e hendenan i e isla ku nan ta biba ariba ta defi ní gran parti di nos kondishon soshal i polítiko. Último tempu e interakshon ku Hulanda tambe ta hungando un ròl bastante grandi den nos kondishon soshal i ekonómiko.

Kòrsou ta manera un siudat di Gresia Antiguo
Den tèrmino di siudadanía, komo nos ta un isla chikí, bo ta mira un èkstra konsentrashon den e union entre polítika i esnan ku ta biba riba e isla. Bo por kompará nos ku e siudatnan demokrátiko di Gresia Antiguo. E diferensia ta ku den nos sosiedat moderno e vínkulonan entre e siudadanonan ta haña forma den e espasio públiko. Un espasio kaminda e siudadano ta “verwacht”, ku vínkulonan entre e siudadanonan ta ser konstruí i enrikesé di tal manera ku personanan den e sosiedat por alkansá rekonosementu di nan derechonan i ehersé e derechonan ei na un manera responsabel.

Kambio di gobièrnu di mas
Awor, kada bes ku tin kambio di gobièrnu, nos ta bin ripará ku e espasio públiko ta ser eksponé na tenshonnan i maltrato ku ta konsekuensia di konduktanan dañiño i egoista di polítikonan ku tin danki di paga òf ta sinti un obligashon di yuda kompinchinan ku entradanan òf propiedatnan di pueblo. Nos a bin mira esaki último simannan, entre otro, den Selikor i den kompania di Dok. E daño soshal ta èkstra grandi ora tin kambionan frekuente den gobernashon, manera nos a bin eksperienshá último 3 aña. Liberalisashon di merkado (globalisashon), burokratisashon, usamentu di lei públiko pa logra metanan personal a kosto di e bien públiko, ta tirando un sombra skur riba e idealnan di konvivensia riba nos isla. Aki aya bo ta tende protesta, pero nos por konkluí ku konsenshi públiko di nos siudadanonan ta ser sistemátikamente destruí (mira por ehèmpel e solushon fi nal na Selikor i Dok). Anto, esaki ku aprobashon di hues! Huntu ku esaki bo ta ripará un deterioro den hopi servisio pa asistensha públiko, algu nesesario pa e siudadano den nesesidat.

Étika moral
Ta imperativo pa reklamá aplikashon di étika moral i lei na un manera muchu mas fuerte ku awor ta e kaso na Kòrsou. Hues por hunga un papel klave den esei.

Comments

  • Be the first to comment, please use the form below.

Post A Comment





0.3994 // 49