Si mester kere Demokrat (PDB), Boneiru ta plegá ku e supervishon finansiero ku Hulanda a pone komo kondishon pa saneá nos debenan i ku Konseho Insular a aprobá dia 18 di òktober 2007. Durante e reunion di Konseho Insular aki PDB su strategia diabóliko tokante struktura estatal a eksplotá den nan kara. Mirando ku UPB a krea un momèntum tremendo ku nan polítika di laso direkto (= harmonia ku Hulanda), PDB a disidí aña pasá di aprobá e ‘Slotverklaring’. Ademas, PDB a trata di ‘hi-jack’ UPB su kabai di ‘Boneiru Nobo’. PDB su plan tabata pa gana elekshon di e forma aki i despues torpedeá e akuerdonan ku Hulanda. Pero e plan a frakasá. PDB a pèrdè elekshon i a kai den nan mes trampa. Pasobra, si UPB ta hasi awor loke e ‘Slotverklaring’ ta bisa, PDB realmente no por ta kontra. Ata nan mes a aprob’é!?

E bòm a eksplotá
Tòg PDB tabata kontra supervishon. Ta p’esei na final di e reunion Dip. Anthony Nicolaas - na un manera kalmu i stabil - a mustra PDB riba lokual nan mes a aprobá, un frase hopi kla di e ‘Slotverklaring’, ku ta bisa (den punto 25) ku durante e fase transitorio lo bini supervishon finansiero. Literalmente tin skirbí: ‘De toezichthouder, met onder meer adequate aanwijzings- en goedkeuringsbevoegdheden, zal worden belast met dit toezicht’.

K u otro palabra, e supervisor (òf instituto di supervishon) lo wòrdu enkargá ku e tarea di supervisá. Anto e supervishon aki lo enserá ku e supervisor lo tin outoridat pa ‘aprobá i duna instrukshon’. E t’ei pará pa tur hende lesa. PDB a aprobá esaki. PDB a vota pro e ‘Slotverklaring’. Pero awor ku nan strategia pa gana elekshon a frakasá, nan no kier tene nan mes na dje. Ta p’esei e úniko kos ku PDB por a hasi ora Dip. Nicolaas a lesa e frase aki, tabata pa lanta para grita krea bululú, manera hende sa hasi ora ta enfrentá nan ku nan propio aktonan inhustu, es desir, ora ta hisa un spil na haltu pa nan wak nan kara den dje. Nos ta komprondé: Ta hasi doló ora un bòm ta eksplotá den bo kara. Si bo no ta gust’é, no kometé inikidat.

Zwartboek
Nèt e dianan aki Nòchi Willem a saka un ‘Zwartboek’, den kua e ta denunsiá un lista largu di korupshonnan kometé dor di UPB. Nòchi por ta kontentu aworaki, pasobra e lei di supervishon ku UPB a aprobá i PDB a rechasá, lo sòru ku 80% di korupshon lo no ta posibel mas den futuru. Di niun partido. Por fifin, pueblo a gana!

Tags: war, supervision

Comments

  • Be the first to comment, please use the form below.

Post A Comment





0.4969 // 49