‘AKSEPTABEL’ NO TA ‘IGUAL’

Te ainda tin resistensia kontra e konsepto di igualdat pa e siudadano di Boneiru, Statia i Saba (‘BES’) komo parti integral di Hulanda. E resistensia aki ta komprendibel, pero e no ta korekto. I na final igualdat lo gana e bataya tòg. Úniko pregunta ta ki dia? Nos mandatarionan (Anthony, Burney, Ramonsito) a bai Hulanda fin di yanüari pa negoshá. Nan a bin bèk ku un ‘Lista di Desishon’ di lokual esun mas importante ta ku e ‘voorzieningenniveau’ (nivel di servisio di gobièrnu) na BES lo ta ‘aanvaardbaar binnen Nederland’, pues ‘akseptabel’ dentro di Hulanda.

E palabranan skohé ta importante. Na promé lugar ta papia di ‘binnen Nederland’, pues dentro di Hulanda. No dentro di Reino. Esei ta bon! Pero te ainda ta usa e palabra ‘aanvaardbaar’ (aksep-tabel), no ‘gelijkwaardig’ (igual). Tampoko no ta bisa nada over di e ‘sociaal niveau’. Pues, un bon señal, pero nada sigur ainda.

Enjoy this post? Share it with others. OR Tell-a-Friend