Ta konosí ku hopi Antiano no ta gusta músika klásiko. Hopi hende ta kere ku músika klásiko ta prosedente for di Oropa i no ta kuadra ku nos kultura. Asta tin hende ku ta haña músika klásiko laf, mientras ku nan nunka no ta skuch’é. Pues nan opinion no ta basá riba análisis i eksperensha propio, sino riba ignoransia.
ARCO ta kolektando videonan di músika ekstraordinario di tur parti di mundu. Nos ta buskando piesanan konosí òf ménos konosí ku nos ta konsiderá ekselente. Den e kuadro ei nos a selektá un piesa di e konosido kompositor Edward Grieg di Noruega.
Su muzik ta klásiko. Si bo no sa skucha e tipo di músika aki, nos por bisa bo solamente: ‘Purbele’. Bo no tin nada di pèrdè. E piesa aki plùs esun akibou (‘Un anochi riba un montaña kalvo’) ta realmente ekstraordinario. E piesa di Grieg lo pone bo kurazon bati duru duru. E tenshon ta build up tremendo, te ora e ta eksplotá den un klimaks di bos ku welek fenomenal.